الشعب العربي، شعب واحد.

ولاي قدي بحبكو ! مش مصدقة انه مدونتي غدرت تجمع ناس من تونس، جزائر ، مصر وفلسطين ! 

خلتوني اشعر لأول مرة يمكن انو الشعب العربي هوي شعب واحد وبفهم واحد عالتاني :) 

تونس، جزائر، مصر انتفضي. 

وعقبال عند العايزين. 

تحيا الشعوب الحرة! 

وبلادي احلى بلاد :) 

من فلسطين لتونس <3 

لحالي؟

هاي اللحظة.. 

لما استوعبت انو في احتمال لو صغير عيش لحالي..

لما افضل اعيش بدون كتير ناس مهمة بحياتي لأنها مش عم بتعاملني صح..

الشعور لحالو علّمني كتير..

مرات هدا الحل الوحيد اللي بكون..

وعفكرة.. عسيرة الشتا وهيك: الشتا عنجد مفيد بهيك مواقف وانت يأسان .. بتدمّع، بتبكي أنهر محدا بنتبه..

والاصعب من هادا كلو انو بتغدرش تحكي لحدا.. مش رح يتفهمو.. مش رح يفهمو شو انا شاعرة.. من دون ميكونو محلي كل الحكي عل فاضي..

واياني قاعدة هون.. بكتب بمدونة مش حتى بأسمي.. وبعدني بغدرش احكي كل القصة..

"اعمل ايه لو مش سعيدة، اعمل ايه للمطر ينزل ويخلي الحزن يدوب.... موجة عاليا خايفة منها.. " 

وحدي مشيت

من زمان ما كتبت..

يمكن تعبت من قد ما حكيت.. وكان لازملي استراحة..

قبل بفترة اكتشفت هل اغنية.. واغرمت فيها..

عشان تفهموني :

"لما وحدي مشيت كل هالطريق كنت عم اكتب وحدي العيشة ايام.. مهما تكون أحزان و هموم و الإنسان بيضلّو وحدو حتى لو بيكون ايام مبسوط و غير ايام مفقوس و شو ما تكون الحياة هموم.. شو حلو يكون حدا جنبنا....... لما وحدي مشيت ع هالطريق كنت عم فتش على غيري العيشة ما بتكون أحزان و هموم إذا عرفت تحاوط نفسك و لازم وقتا تكون عن جد مبسوط عن جد عن جد مبسوط حتى لو بتكون الحياة هموم... شو حلو يكون حدا حدك.."

" شو حلو يكون حدا جنبنا" .. " شو حلو يكون حدا جنبنا" .. " شو حلو يكون حدا جنبنا"

هاي هيي.. مش اكتر ولا اقل..

تعودت اتكل على حالي.. بس.. بس شو حلو بكون لو حدا حدي بكل خطوة بحياتي..