خليك هيك تقلك، دبحتني !

اللي مجنني انو الديانة اللي المفروض اتكون اكثر اشي روحاني عم بتكون اكتر اشي سراق، بدو اراضي وخصو بالسياسة.
ومنروح ومنحارب عشان نجيب مصاري نبني جامع/ كنيسة جديدة !!! مش احسن نبني مأوى للمتشردين انت ويا؟!!! قلعاط!! قال وبقبلوش بأي كنيسة!! لازم ملان ذهب!!
ومنروح ومنحاسب السراقين الصغار وتاركين الكبار عراحتهن.
بدك تصلي؟ المفروض الله موجود بكل مكان! فدخيل ربك خليك ببيتك وبلاش هل سرقة الزايدة، خلينا انفيد هل فقراء شي مرة ونحترمهن، وأنا مأكدة انو الله رح يحبك اكتر.
وأذا بعدك مش مقتنع ف تفي عليك وعلى ديانتك السراقة انت ويا.

مقدسة

هديك اللحظة اول ما فتح عيوني الصبح.. واشوف انو في مسج منو.. هديك اللحظة مقدسة اكتر من كل الكنايس والمساجد.

هاي الضحكة اللي بترتسم على وجي وبرجع بغطس كمان ساعتين نوم.. 

الشعور انو في حدا بهتم ببسط.. حتى لو مش لوقت طويل.. 

اصلا لي الكنائس مقدسة فكركو؟ عشان المؤمن بحس انو في حدا مهتملو جوا، لما يدخل الكنيسة بشعر بآمان، بحب وبراحة. 

اذا هيك انا بشعر من تحت راس رسالة نصية ، معناتو الرسالة منه غصبا عن الكون مقدسة.
يا هيك القداسة يا بلا :)
وصباح الخير :)

مشروع ليلى :)

وينتا بدي حب؟ وكيف بدي حب مع كل هل معايير؟ 

يا ليلى انا تعبت.. وبأغانيكي برجع بتأمل بغد افضل..

لما كنت بعرضك بعمان، غنيت تَراح صوتي، غنيت لأنفس وأطلع ايش فيي.. غنيت لأسمِّع اللي مش سامع: انا هون، انا موجود

شكلو بهل بلد ما ضل حل غير نغني مع بعض، شكلنا كنا كتار لا؟ مع نفس الاحلام .. لي مش غادرين انغير شي؟ لي ام الجاكيت والبنطلون بتغدرش تكون اي صبية؟ لي متضلش ببيتي وأعرفك عأهلي؟ ولي نضل نتذكر شو قلتيلي وما نتجوز اسا؟

كنا كتار .. بس بعد مش كفاي.. لازم انوصل اغانيكي لأبعد، ومع الكلمات والمعنى..

عشان غنانيكو اقرب اشي للحقيقة..

اغلب الفرق بتغني للحب، انت بتغنو لحب خالي من القيود ان كانت مالية او اجتماعية..
بغنو انو الوضع صعب، بتغنو عن تفاصيل المعاناة والحواجز..
بغنوها كواقع، بتغنو تتحركو مشاعر ماتت من زمان.
هني بغنو، انتو بتحكو لقلوبنا.. 

بحبكو.. ويلا كمان عرض بعمان؟ :) 

ما تتركني هيك ( لحظة صمت) عم فتش عليك (اه.. )  بأسفل كل كاس بين تخوت الناس..  - امين
بتوهم وجك وبنادي اسمك ( اه ... ) كأنو موشوم عشفافي بسموم.. - امين (بنفع مع دمعة)

ريلاكس بالعربي..

بدك تتعرف عصحابي، بدك تفرض حالك عحياتي: بحياتك روقلي شوي.. 

اه .. تركتك عشنك بتضغط، بتضغطني.. 

مش بهلسهولة رح تفوت عحياتي، وأكيد مش عحياة صحابي.. 

بدّك نصير اشي رسمي، الكل يعرف وهيك.. ليش دخلك ليش؟ مش تنعرف بعض بالأول؟! 

ليش اربطك بصحابي، وتصير الاشيا اصعب لما بدنا نترك؟! 

بتيجي تقلي: لي نترك؟ تفائلي! 

ينعن رب التفائل بهل مواضيع!! مش شايف كم مرة الواحد بحب بحياتو عل فاضي؟! كون واقعي! 

انو يا ريت تزبط ! فكرك بديش تزبط؟

خليني اعرفك بالأول، وأرتاح احكيلك اتفه الأشيا ( اه، اتفهها، لأنها هاي الأشيا اللي ما بتنحكى لأي حدا..) . وبعدين، بعدين رح بعينيي اعرفك عحياتي الخاصة، عل العناصر اللي حطولي البسمة عوجي، عل ناس اللي فيي جزء منهن.

 . 

المشكلة..

المشكلة مش كيف بتلبسي.. المشكلة مش كيف بتختاري تكون حياتك.. 

المشكلة هي كيف بتتغير معاملتك مع الناس ! كيف بتصيري ناشفة وتشوفي حالك فوق الكل! 

المشكلة انك بتفهمي الأستقلالية بأنك تكوني ال"بوس" علكل. 

 المشكلة مش انك بتصاحبي، بتشربي، بترقصي او بتسهري. المشكلة انك بتفكري انو هادا بعطيكي الحق تعتبري حالك "بتفهمي" اكتر من الكل، وانت صح والباقي كلو غلط. انك المثقفة والمتعلمة والمتحضرة والباقي جاهل ومتخلف.

مهما صرتي، كبرتي، غيرتي من قيمك لأشيا انت مقتنعة فيها أكتر (اشي اللي كتير بحترمو عفكرة)، او استقليتي، ولا مرة تحكمي اي شخص اخر أو تقللي احترامك.

*الحكي موجه للذكور كمان!  

"God knows what distresses accompanied you
What old pains shut up your voice "

من غناي .. بالاسباني.. قرأتها مرتين وتلاتة.. وحسيت قدي ممكن تكون ملائمة لكتير اشخاص ( منهن انا..) 

للأسف، الماضي مش رح يمضي، رح يضلو جزء من حياتي.. رح اتحسر واتذكر كتير مرات أشيا خلصت.. 

تخفش.. بعدني بفحص بروفيلك.. زي مأنتي عم تفحص بروفيلي..
بعدني بسمع الغناني، اللي صرت اتحطهن ببليك (public) . 
مش عارفة شو اكتب، كتير اشيا بدي اقولها بس.. "old pains shut up your voice" . 

ومن نفس المغني.. : 

بس انت ببيتك.. وأنا بشي بيت..

بمشي.. وبهمس بهل غناي عل طريق..

"بس انت ببيتك.. وأنا بشي بيت.. " 

انت بعالم.. وأنا بعالم.. وعالمك بحوي عالمي ، وكمان مليون أشي.. 

شو بتمنى؟ بتمنى لو العالم كلو كان غير.. الحقيقة غير.. وقلبك يسعني..

وبكفي حكي.

سلامات..

اصدقاء .. :)

طلعت البنت (3 سنين ) مع أمها عل باص.. ومشي الباص.. 

كانو بعدهن على المدخل،

" ماما، بخاف امشي والباص عم بتحرك.. اسا بقع.. " 

"بس يخفف سرعتو الباص منركض انا وايياكي ومنصل لأخر الباص وين في مقعد فاضي.. اوكي؟ " 

بس خفف الباص سرعتو (لمرأة عم تقطع الشارع.. ) ، تركت البنت يد امها وركضت لأخر الباص.. لفت وجها لأمها وضحكت.

من أحلى دقيقتين بحياتي.. 

هون اتذكرت كيف بجنن صحابي كل ما اكون ضايعة، مترددة، او خايفة.. عشان يعطوني هاذا الشعور بالأمان والثقة.. وهادا بكفي .. 

لما نتوجه لأصدقائنا بمشكلة ما منكون بدنا حل او انو يرافقونا بكل خطوة.. منكون بدنا هادا ال "PUSH" بأول الطريق.. والمعرفة انو رح يضلو جمبنا اذا خربنا الدنيا.. 

فكرو فيها.. واتذكرو كيف ولا مرة كانتو بحاجة لأكتر من هل "push"  :)
<3 <3 

Coffee, Maybe ? (Part 2)

There is something happening around me.. the every freak'n second curiosity that my life contains stopped for that moment. 
Yes I preferred to continue studying..  to concentrate just for a second..
"I've been wasting my time since the early morning.. it's already 6 PM, and nothing will stop me now from studying. " - saying to myself with that determined strong voice in my head 
I knew that THE stranger was sitting behind me .. I just didn't think he really cared about me..
my friend sitting infront of me saw the whole thing, while that stranger was in deep shit wondering how to start talking to me and trying to get my attention, I didn't give a shit.
It was such an amusement to my friend, seeing how this universe works the exact opposite of how we want it to.


she knew I kinda liked him, but couldn't do anything at that time.. it would be too obvious to act.
after such an embarrassment , he gathered his stuff, and walked away.
He probably won't come to the same cafeteria again.. or even think about me..
the mystery had been cut off before it even started. 
he's gone, without leaving any name or address.. 


for him, I'm just the girl from the coffee house that he won't even remember.. 
for me, I'll remember him as the one who gave me a little hope and a big smile in such a hard time.

ويمكن لو كان في بيني وبينك حكي، كنا حكينا :) 

Coffee, maybe?..

he is just sitting there.. drinking his coffee.. pretending to work on his laptop.. with a million papers to study.. sneaking a look every once and a while..
cute, tall & with a beautiful smile , seems an intelligent person.. someone that I would like to hang out with..
stands up, walks beside me trying to get my attention.. not knowing that I'm dying inside..
"ohh a cup of coffee would be perfect !! to talk about some books? music? life? anything !  maybe you have a new kind of adventure to tell me about? or a dream you're chasing after? do you wonder about life like I do?
lets leave this place and fly away? I dont need more than a small place to live in.. just be nice to me, will you?" 
and before going any further creating scenarios in my head (like that's possible ) I go back to reality thanks to a message from my friend.. "are you around? coffee maybe ?"
"yes .. yes I am".. please come here fast.. save me from dreaming too far.. I cant handle another disappointment in love...
not now beautiful stranger.. but maybe later?
goodbye, please come back in another time :)


and I have to quote something.. : 
"
“حائرٌ أنا بين أن يبدأ الفرح وألاَّ يبدأ 
مخافةَ ينتهي
~زياد الرحباني "

في هاي الأغاني، اللي بتخليك تحب وتضحك.
اللي الأجر بتتحرك حسب الوزن.. 

نعم نعم، لهل درجة اغاني عظيمة.
اوكي اتخيلوها ب "mix" مقتطفات ومع مغنيين ولا انغش :) 

أعطوهن فرصة.. في احتمال تحبوهن :) 

احترامي وحبي لأعظم انسان ..

من أكتر الناس اللي بحترمهن.. من اكتر الناس اللي بستغرب كيف مكتشفتهنش قبل

أنا مش فحلة عربي للأسف، ولا شعر.. بس كرمالك بسمع مرة ومرتين وتلاتة لتني أفهم قصدك.. 

وبس أفهم.. اخخ لما أفهم عن شو كنت تحكي.. القلب بدمع.. 

كأنك بتكشفلي دنيا وطرق جديدة للحياة.. بتفهمني شو بحس.. ويمكن بفهم حالي من تحت راسك..

وبصير احب لغتي، لغتي اللي على طول فهمتها وفهمتني أكثر من اي لغة اخرى..

محمود درويش، احترامي وحبي. 

فيمينيزم ؟ يمكن ! :)

ما بهمني المصاري ولا العضلات! أكمن مرة لازم أعيدلك؟ الغريب انو الشباب مش غادرين يفهمو هل شي..

اذا حالات الأغتصاب عم تكتر مش معنى لازم اصاحب شخص متجسم، معنى لازم اروح أحرك حالي وأتعلم ادافع عن حالي عشان العن ربو للي بدو يقرب علي!!  

اذا المعيشة عم تغلى معنى لازم اسهر الليالي ع شغلي وأشتغل وظيفتين وقت الجد وفش حاجي أعيش بقصر.. شقة بسيطة.. مع بلكونة لقهوتنا :)  

البنات، قسم منهن عل قليلة، عنجد بدهنش منكو مصاري ولا بيت ولا عضلات.. (زي ما مش كل الشباب بدهن بنت ضعيفة شقراء وتطبخ. ( بتأمل) ) ،  بدهن اياكو ، زي مأنتو، مع أفكاركو وأحاسيسكو وحبكو الهن :) 

بتأمل تفهمو.. ويفهم..

وعنجد مش كلو " بدي بدي بدي" .. 

why do we need alcohol?
cause life is that freak'n hard.
especially when you are young, and NOTHING is figured out.
You need to build your life from scratch, to CHOOSE every single detail in your life, to make all these hard decisions without having any freak'n idea about the results.. and for the first time, you are responsible for your actions.
Taking a job far away maybe a big mistake or a huge success.
Studying Engineering instead of Art might be the right thing or the wrong thing as well, depends on a future far far away.
Telling someone "I love you" might end up with "I love you too :) " or " I love you too, as a friend".


When all these things happen in your life, you need just for a couple of hours a week, to stop, forget about everything and just enjoy the moment. you need that power to FORGET, to REST and SMILE.. keeping and releasing only the positive feelings..

of course, don't exaggerate. :) I said couple of hours a week not day :)

مستقبل؟ وقت؟

حياتي؟ بتجنن مفيهاش اشي.. 

بس بتعرفو شو اللي بكرهو؟ مفهومنا عن الزمن.. 

انو دايما مضغوطين منو بشكل كبير!!  

بتوصل لمرحلة اللي خايف تحس، خايف تحب، خايف تروح تيجي تضحك تكيف تقعد تروّق توكل تسمع تغني عشان فش وقت..

وعشانك خايف من المستقبل، خايف من اشي بعدو مش جاي، اشي مش محدد..  بتضحي بكل وقتك الحالي عشان "سعادة" مستقبلية.. وبيجي المستقبل.. وبروح.. وبتنسى انك مبسوط تكون..

وبشي مرحلة زهقت من هادا الوضع.. لكلشي في حدود، حتى للمستقبل. 

وبتعرفو شو.. عل قليلة حاليا انا عندي وقت، ولكلشي.

ومبسوووط.. ما بني شي ( بالنسخة الأصلية) 

لكي لا ننسى .. انو في أغاني غير "بلا ولا شي" ..

فظيعة انت يا رشا .. 

وقف.

وقف يا أبني وقف..

وقف لذكرى ناس سرقت أرض من تحت أجرين شعب.. 

وقف لذكرى ناس خبت ذكريات شعب كامل ودفنتهن لتحت بعيد

وقف لذكرى ناس هدّت بيوت لحتى المفاتيح ما تنفع

وشردت الملايين وما أعترفت..

وقف لذكرى ناس غطت صرخات ولاد وبكى أطفال بأصوات البواريد

وزورت الحقيقة لحتى قالو الجرّاح جريح..  

وقف لذكرى ناس غشت كل مدن العالم وبالمال سكتتهن

وقف يا أبني لعالم ما عم يتغير غير للأسوء..

وقف تقولك وقف وتبكبك .. 

بتعرفو هادا الشعور لما تقرأ أشي .. وتتنهد مرّة، ومرتين، وتلاتة .. وتضل تعيد الجمل براسك.. والدموع تنحبس بعينيك ومتسترجيش تنزل ..
كل هادا عشان شخص غريب "فَضَحَك" قدام حالك..  وقلك الحقيقة المُرَّة بدون ما يستحي..
شخصي الغريب كان "جبران خليل جبران" ..
وبهاي كسرني ..: 

"والبعض نحبهم

لكننا لا نجد صدى لهذا الحب في

قلوبهــم

فننهار و ننكسر

و نتخبط في حكايات فاشلة

فلا نكرههم

ولا ننساهم

ولا نحب سواهم 

ونعود نبكيهم بعد كل محاوله فاشلة "

(من افحل ما عملت جوجل)

البحر..

البحر هوي المحل الوحيد اللي برغم من هدوئه، بالرغم من الجو الرومنسي والامواج ، بتفكرش بحدا.

بولا اي حدا.

بتفكر كتير.. بس بولا أي أشي طبيعي .. 

بأشيا ما بتخطر عبالك بحياتك اليومية.. 

وبتكون مرتاح .. 

وشو فكّرت غاد.. بضل غاد ..

بتتركهن للمرة الجاي.. 

لل بريك الجاي من الحياة ..  

بتحبش توسخهن بهمومك العادية .. خليهن سبيشل.. خليهن غاد.. 

بتحاول تتمتع بكلشي حواليك..

بتشعر بنسمة الهوا اللي بتيجي بالسيعة مرّة .. وبالشعر اللي بتطاير لوهلة.. 

باجريك اللي عم تدحشهن تحت الرمل، والرمل السخن اللي عم بسحل عنهن كل مرة..

بزعاق ولاد زغار، بس هون غير اي محل تاني، بيجي بمحلو، المفروض ايكون عشان تكمل الصورة .. 

انا مغرمة .. بالرمل، الشَمْس والبَحِر.. 

يا محلى الفسحة يا عيني 

على رأس البَحر

والقمر نوّر عيني

عيني عيني

على موج البحر

اتطلعتو عل قمر اليلة ؟ اكيد لأ.. اوكي بحب اخبركو انو كان مدوّر، ضاوي ، ولحالو.. 

هديك اللحظة اللي بتفهم فيها قدي انت لحالك مهما ناس كانو حواليك .. والوحيد اللي ممكن ايكون جمبك هوي هادا الشخص الاسطوري

 اللي رح يفهمك ويحبك واللي بشي طريقة عجيبة كتير ناس عم بتلاقي بالآخر.

 بتحس قدي انت هوي انت ، الناس بتروح وبتيجي وبس الذكريات بتضل، وطبعا بأترو على شخصيتك بس بتركوك

 وانتبه توقع بحب شخص مش واعيلك، شخص مش مستوعب قدي عم تعطي حب واهتمام. النتائج بس بتكون سلبية عليك، وولا بهزلو بدن. 

 ناسي اصدقائي واحبابي : بحبكو تفهمونيش غلط ، بس كل واحد بالاخر عندو حياته وهمومه، وبالاخر غصبن عنكم رح تتركوني، وتتذكرو انو قلتلكوا.. بس مش رح انسى كيف بشي مرحلة خليتوني احس منيح.. 

وهاي الفكرة اني لحالي بين كل هل ناس، بتخوف وبتخوف بكميات كبيرة..  بس يمكن اسا اغدر اعمل اشيا إلي ، تبسطني واشيا انا بدي اياها ( فرضا بعرف مين انا) ..

حتى لوينكو سكرانات!! بصرش!! بصرش تقللو احترام وتتهبلو على كل ديانات العالم ! 

بقولو وانت سكران بتقول اللي بقلبك، بدون ما ضميرك يوقفك. 

وهادا بخليني استوعب كيف في ناس بتسمي حالها "متحضرة" و " منفتحة"  بس بالاسم .

مش شطارة اي شخص يقعد يتهبل ويذل ديانة تانية بس عشانو مش مقتنع فيها. بحب اذكركو انو احنا هون متساويين، او المفروض هيك انكون .. وهاد معنى انّو كل واحد فينا عم بحاول ايلاقي الطريق "الصح" للحياة. 

فش اشي اسمو ديانة كاملة غلط. في اشي اسمو انت مش موافق ع مبادئها، وممكن ومحبذ تجادل بشكل متحضر ع هاي الاشيا..

بس دائما وابدا، تكنش عاملّي حالك ملك زمانك! احترم اللي قبالك واحترم آرائو ومبادئو.

مش يعني عشان انا بآمنش اذاَ انا صح.. يمكن انا الغلط بحالو.. و ولا مرة رح اكون متأكدة شو انا مآمنة.. بعرف انو عندي مبادئ، اهمها انو الناس ضايعة متلي ، وهيي حرّة بأفكارها ما دام الدين بشكلش عائق عشان ينفذو مهام يومية وبشكل متساوي . 

بتعرفو شو اكبر غلطة بترباية الولاد الزغار؟!! انو بربطو كلشي بالدين!!! 

"لي تحترم أمك ؟ عشان هيك مكتوب بالوصايا العشر." اا عنجد ؟! واذا واحد بطل ايآمن فيهن هدول خلص؟ بغدر يبطل ايشيلها من ارضها؟! 

"لا تسرق! .. " كمان هاي، دخلك صعب اتقولّو انو هادا الأشي مش ألك، وعشان هيك مش لازم توخدو.. بتحب حدا يوخدلك غراضك؟ 

 والقائمة بتخلصش، بس افكر الفكرة وصلت.. 

يا جماعة الحياة بتتغير.. وأفكارنا ممكن تتغير من يوم للتاني.. خلو الافكار على جنب ومبادئ تعاملك مع الناس على جنب تاني.. 

وسلامات.. 

الناس تَعوني.. ناسي ..

"سمعت؟ مات "فلان" ..كان عمرو بس 24 .. وفجأة"

وببدا افكر.. "ممنوع اموت بدون ما احكي اللي عندي.. بدون ما اعبر كفاي للي خلو حياتي تستحق انو اعيشها.. وبعدين بغدر اموت بأي لحظة وأكون "راضية " ( مع الفرضية انّا منحس بعد منموت) "

عشاني بعرفش وينتا اخر يوم.. وينتا اخر مرة رح شوف اي شخص، رح خبر احبابي عن كلشي ، وعن معزتهن..

عن لما حبيتك وعن لما كرهتك

عن شو بحب فيك وشو بخليني احبس انفاسي

عن لما كنت اغوص بعينيك وكلماتك ما اسمعهن

عن لما يأست منّك وكأكتر من صديق ما حسّبتك

عن لما اطبخ معكو

واضحك معكو

لما خرريفنا النسوانية ما تخلص

وعن حصتي اتأخر عشان كمان شرفة قهوة معكو وبس معكو

ومعرفتي انكو هون حتى لوينكو مش هون

انكو رح تضلو واقفين جمبي مهما صار ..

وبكل مزاج وبكل مكان، انتو دايما غاد

عن قديش بتفهمونيش ..

ولا بتفهمو لي بضل أشغل حالي بمليون اشي..

بس مع هادا بتدعموني..

مهما الأشي بتضارب مع مفاهيمكو ..

عن قديش انت ملاك

بتظهر لما اكون بأمس الحاجة لصديق

بكون مش سامعة منك اشهر، وبهديك اللحظة بتظهر

و "مالك اشي؟ " بتقولي..

لك يسعد ربّك بس :)

غيّرت حياتي

عن قدي خليتيني أآمن بحالي

وأعمل شو انا مقتنعة وبس.

واتعرف على ناس مختلفة عني

واعز صحابي ايصيرو

وانت ملّا انت.. انت اللي خليت أملي يتجدد

خليتني اشعر من جديد

وثقة بحالي زادت

خليتني ابتسم ابتسامة الرضى

حسيت اني بهم حدا

وانّي ممكن اكون مهمة لشي حدا.. بشي مرحلة..

اتطلع حواليك، اتأكد انو عندك هدول الناس حواليك، بعدين كمّل حياتك..

هدول من اهم عناصر حياتي..

وشو ما صار هدول الناس عملو جزء كبير من حياتي، وعملو ال "انا" ..

*كل فقرة عن شخص\اشخاص اللي قلبولي حياتي بشي مفهوم..

"انا"

بدي تعرفني مين انا، بديش تحزر ولا تسمع من الناس

اعرفني مين انا، واكرهني لمين انا 

بهل وقت لما صار الكل بدو يختصر ، بطل في حدا عندو وقت يسمع التاني 

بطّل في اهمية لمين انت، بس لأفكار الناس عنّك، بس لمحتوى "بروفايلك" 

بطّل ينسأل عن افكار الشخص، واللي مش منشور علناُ - مش موجود

"كيفك" بطّلت تنسأل، وتستنتج ضمناً صارت 

الناس صارت تنبسط بالمشوار عشان تحمِّل الصور وتقاهر صحابها 

"انا اياني، انا مبسوط بحياتي" 

أو اتحمل ربّها وكل "صحابها" جميلة على قرارات هيي اخدتها.. 

بدي لمّا اتعرف على شخص، يجي يسألني " مين انت" .. ومش يفتح بروفيلي

ولمرة حسيت اني بديش اشارك الكل بمشاعري، بأشيا بتخصني حتى هون بالبلوج

"انا" بنشرحش بكلمة ولا بستاتوس. وبرفض انو حدا يحاول يفهمني من غاد

واتذكرو :  2-3 صحاب عنجد .. ومش 500 عل شجرة.

وهاي الغناي.. اخ منها.. منمحتش من تلفوني، مهما بدّلت ومحيت.. 

المكان الصح، بالوقت الصح..

كل يوم بتفيق .. وهيي الشمس عاميتك .. بتفيق بتعمل هل قهوة وبتوخد نفس

بتدور على شي غناي تبدا فيها نهارك.. وبتحاول تتذكر شو عندك اليوم ووين لازم تروح..  

وهيك ببدا يوم جديد .. مع امكانيات جديدة واحداث جديدة.. 

والفكرة انو كل اشي بتعملو رح يأتر على باقي حياتك بتخوف. 

بس في مقتطف من مسلسل بحبو اللي بشرح الاشي بشكل احسن:

" 

 The great moments of your life won't necessarily be the things you do, they'll also be the things that happen to you. Now, I'm not saying you can't take action to affect the outcome of your life, you have to take action, and you will. But never forget that on any day, you can step out the front door and your whole life can change forever. You see, the universe has a plan kids, and that plan is always in motion. A butterfly flaps its wings, and it starts to rain. It's a scary thought but it's also kind of wonderful. All these little parts of the machine constantly working, making sure that you end up exactly where you're supposed to be, exactly when you're supposed to be there. The right place at the right time.  

"

- How I met your mother

وبعمل "سليد تو انلوك" .. بفتح على اسمك بالرسائل.. وبصفن..

بتنهّد .. وطبعاُ زي كل يوم جديد: بخاف وبسكرو..

هل مرة بديش انا اعمل اشي واخرب.. خلي الحياة تتصرف كيف بدها، خلي هاي الماكنة تفرجيني قوتها. 

وبتأمل شي مرة اغدر اغنيها من قلب ورب. :) 

سلامات :) 

كنت بدي اكتب عن ادي مش طايقة مديرتي.. ومش طايقة هالأكمن اشي.. وعن نهاري الفظيع ..

بس بعدين.. سمعت هاي : 

" Where nothin` seems to go your way

  Where nothing seems to turn out right

 There may come a time, you just can't seem to find your place

For every door you open, seems like you get two slammed in your face

That's when you need someone, someone that you, you can call

When all your faith is gone... and it feels like you can't go on

Let it be me... let it be me...

If it's a friend that`you need... let it be me, let it be me 

There comes a time, a time in everyone's life" 

وقررت اسكت واسمع. واخذ نفس .. :)

وكملت.. 

a Masterpiece !

when great music hits you, you feel plenty of joy. 

you lose yourself to it's tunes, to the majesty of it's power. 

you actually can feel each single note torture you with pleasure

you end up dancing alone, sensing every single cell in your body enjoying the music ..

and Oohh.. I just found this type of music! Jazzy, Dancy, Fun to listen, Fun to watch and magnificent on a musical level.

hope you'll like it like I did ! :)

8 اذار ..

لأ انت بتعرفش كيف الشعور اتكون على حفة انو نتكسر وميكونش في حدا يمسكك ..

عشان الحياة قاسية وبتوخد صحابك لبعيد وبتخلي المجتمع يغير اهلك وما يفهموك
تكون لازم تحارب وتناضل عشان تغير عقليت اهلك ..
عشان احلامك اكبر من انو توخد معاش اخر الشهر او عشانك بدك تكون غير عن الباقي
لما كل الطرق مفتوحة قدامك بس مسكرة بنفس الوقت
بتعرفش شو معنى اتكون حابب وهو مش حابب يحبك ...
لما تكون متلخبط مش عشان مش عارف شو بدك، بس مش عارف كيف تدمج الاشي بمجتمعك وعيلتك ..

لما كل قرار لازم يكون علي موافقة جماعية .. " انت مش عايشة لحالك".. 

انو اتشوف الناس براكدو وبعملو بلاجان وهني يطالبو بالمساواة بين الشعوب وبنسو انو في اشي اهم بالاول يعملو.. مساواة ما بين الجنسين

لأ متأسفة مش ممكن تفهم ايش يعني اتكون مرأة بمجتمعنا!! وتحاولش تفهم عشان الموضوع اكبر من انو ينفهم !
بس حاول مرات ، حِل عنها للبنت. اتركها تحاول اتعيش .. 
وخليها تفرح بهل يوم ، وتنسى للحظة الهموم .. 

وكل عام وانت تتفوقي وتنجحي .. :) 

وبكون بفكر فيك .. صَلّي فترة ما فكرت فيك...

فترة طويلة .. يعني شي ابو صفحتين تلاتة.. 

وأياك كتبت كمان ستاتوس.. وشكلك مبسوط.. يسعدك وانت مبسوط :) 

وكل ما احكي معك، بسكت. 

ما بعرف وين لازم ابلش.. شو احكي او كيف .. 

مين انت ؟ ومين بتكون؟ وليش هيك علي فجأة طلّيت؟

على حياتي دخلت بدون اذن ولا موعد..

بس معليش.. ألك معليش..

خليك.. حتى لو ساكت.. حلو الواحد يحس انو في حدا جمبو، لو بعيد وساكت 

في اشي بالسكون بخليني ارتاح .. هادا السكون اللي حتى الافكار بتخاف رهبتو..

وبلكي حكيت شي غلط؟.. خايفة هل ضحكة تختفي.. ما بتحمل هيك مسؤلية ! 

ويمكن كتير مرات "كيفك" بتكفي .. 

بس وحياتك.. "ان فليت اترك عطر بهالكون " ...  :) 

* صرتو فايتين وفايتين .. مينيموم احطيلكو شي اشي محترم تسمعو :) : 

ليش زعتر؟

"والزعتر شجيرة معمرة عطرية كثيرة الفروع تكون كساء للأرض تعلو إلى حوالي 12 بوصة. أوراقها صغيرة تنبت من الساق، أزهارها وردية أو أرجوانية تزهر منتصف الصيف. " - المصدر: ويكيبيديا

سامعين ؟ " أوراقها صغيرة تنبت من الساق"
من الاصل، من الجذور بتبدا بتزهِّر

بزمن اللي كلو بتزوّر، وكلشي ألو بَدَل،
ما كان ألي اللا االزعتر، تَيْضَل
اصلي وما بتبدل هيك رَح يضل 

لا مصنّع ولا عبالو
وغير من عند سِتّي ما بطالو
ذِكر اسمو بعطيني أمَل
امل انو في اشي ثابت، في اشي قوي
في اشي يربطني بأصلي وبماضيي
بكفي اتذكر، ريحة المناقيش اللي بتتحضر وانا عم بلعب بالحارة
وبتتاكل تحت الدالية.. لما كان عنا دالية..

بزمن اللي كل المعايير بتتبدل والمواقف بتتهبَّل
ومن الاسوأ للأسوأ الناس بتتغيَّر،
الماديات بتوكلنا أكل والحياة بطلت أكتر مِن حِلِم
بيجي الزعتر عشان ايذكرني
انو انا انسانة
وفي عندي حنيني
ان كان للحياة او لحبابي
بذكرني انو قبل كانو عايشين
ببساطة اا عايشين، بس مبسوطين
رشة زعتر بتغير الطبخة،
وبكمشة احترام، عزّة نفس وضحكة العيشة بتتغير

وسلامات :) 

بحب انو حبك مريح

بتعرف شو بحب فيك؟

انك بتحب كل غناي بعطيك اياها، واذا مش من اول مرة بتسمعها مرتين وتلاتة ومية تنك تلاقي اشي تحبو فيها

انو البسمة بتنزلش عن وجك حتى لو هموم الدنيا على قلبك

انك بتحب الحياة من قلب ورب وبتوخدها ب "ايزي" ورواقة

انو الماديات بتعنيلكاش اشي ، وقعدة بسيطة بتسوالك كل اشي

وانو بصعوبة تنك تحكي عن مشاكلك وتقولي اذا صاير معك اشي

انك بتضل تسأل عني مش عشان تتحشر فيي او بدك اشي، بش عشان بدك تطمن علي

انك بتشبهني بكتير شغلات واحسن مني بأكتر

بحب انك فطنت فيي، لما الكل اهملني

بحب انك بتعطيني احترامي وبتسمعني، بتسمعني..

بحب انو فاجئتني بعيد ميلادي، مش بسيارة ولا حتى ورد ، بس بتلفون مع ضحكة لما دقت السيعة 12 ..

بحب انو صرت احب اكتر من وقت معرفتك

بحب انو حبك مريح وما بضغط

بحب انو مأعرفش حاليا اذا بحبك كأخ ، صديق او اكتر

بحب انو تعرفت على واحد متلك بحياتي

بحب انو اقولك هل حكي واقولك مين انا، ومين انت
بس بحبِّش،  بحبِّش اخسرك

وبعرف انو مخصيش، بس بحب هاي الغناي كمان :)

وايماتكو تكون بحب اكترمن بحبِّش:)

نعمل شو منحب، ونحب شو عم نعمل

ايش عم بعمل هون ؟ كيف تنو هيك فجأة تذكرت احلامي؟ مصلي شي 4 سنين ناسية، لشو وجعة هل قلب اسا ؟

بتعرفو هيك واحنا زغار كيف كنا نحلم؟ ولكتير كان في هيك اشي يجذبلو نظرو.. مش عم بحكي زغار 4-5 سنين، بحكي عن ابو 13-14 سنة... لما كنا نفكر ايش بدنا احنا نكون - قبل ما نفوت كل ميمعة الشغل، معاش واذا مناسب لبعدين -" طبعا عشان الاميات لازم يروحو بكير، شو هاي عزا يتركو الولاد بشي محل" .. 

فجأة وانا بالشغل ، اتذكرتو.. معأني بشي طريقة غدرت اخر شي 4 سنين انسى، حتى بالأحرى امحى نهائيا من ذاكرتي. اقنعت حالي انو بدي اشي تاني، اشي معروف، اشي مضمون.   هيك عمل فيي المجتمع ، ضغطني ، المدرسة كمان عفكرة مقصرتش . 

وصار اشي من جوا يوجعني: " اسا عنجد بدك تحبسيني لأخر حياتك هون؟ بهل شغل؟ بتغدري تنبسطي وتزبطي اكتر، بس مش هون. " هيك صار ضميري ايقولي .. انو اسمعو اذا ضميري هيك قال.. !!! 

وهناك قررت. قراراتي اللي مرقت مش رح اتندم عليها، ورح استغلها. احلامي رح احققها، اذا مش اسا كمان اكمن شهر. ورح انجح ورح اكيف. وبتعرفو شو كمان؟ رح احب، واتجوز ، ويكون عندي ولاد ورح احبهن واعتني فيهن بلاوي !! 

والحياة عايشينها هيك هيك ، علقليلي نجرب نعمل شو منحب، ونحب شو عم نعمل.

سلامات :) 

marriage ..

I was looking at my friend’s engagement pictures.. and I started thinking.. “Why people get married that early?” and maybe for the first time in my life the answer came right away “ Because life is that damn hard. “

When you start growing up, you realize how many problems, difficulties there are in life that you will probably face if not now, then later.

And you know you can get over them but you need someone to support you, and here comes the problem.

In our modern life, parents are so busy supplying the financial needs for their children so they could study in universities (which is very noble from them to do). On the other hand, this thing pushes people to get married, to find someone to stand by their side, to talk to, to care about.

Now lets not forget friends who helped me personally a lot in life. But let’s be honest, everybody has it’s own problems, they won’t be available for you 24/7.
  

And here comes another Question, why married? Why not just a boyfriend? Because we are afraid of getting a heart broken. When you love someone, you give them everything you have, especially your heart. You trust him on everything you’ve got, you connect your life with his. and getting married diminishes this option. 

hope these marriages last forever, at least I hope they picked the right one, someone that they can talk to and live in sickness and in health, someone they can share their tears with him and not only their laughs.

Don’t get me wrong, I’m still against early marriages, but at least now I can understand them. And to be honest, it takes a lot to survive these few years alone before you’re mature enough to get married.

Love, live and laugh. :)

الحلم

اعملو شو بدكو، لما تكبرو ....

وكبرنا يا بيي.. وصار همنا نعمل شو بدهن ..

همومنا كبرت اكتر مما كنا نتصور، وبطل في اهمية لشو بدنا..

 هيك تربينا، وعهادا الحلم كبرنا، " لما اكبر بدي "..

كنا نضحك، نلعب ، واكبر همنا كيف بدنا نلاقي الشوكولاطة

كنا بدنا نعمل كتير شغلات  نسافر، نزور العالم، نعرف كلشي وما نخلي حدا من شرنا

 لما تكبرو" ، ولاي قدي سمعناها"..

فكرنا الشغلة قصة عمر وبس، وكبرنا على هل احلام ..

وباقي القصة بتعرفوها .,. لا؟ يللا مش مشكلة منكمل

فتنا عل جامعة، المفروض كبرنا بهل مرحلة لا؟ للأسف لأ.  "خلصو تعليمكو" المجتمع بصيح علينا واحنا منرضخلو

وهون اجت المشكلة  كل ما يقرب يخلص هلاللقب بكبر الهم

"  شغل، لازم لاقي شغل لازم عيش من عرق جبيني"

هادا بصير همي للأسف.,. والشغل بصير مسؤولية، و "بكفي" بتبطل امكانية.