بتعرف شو بحب فيك؟
انك بتحب كل غناي بعطيك اياها، واذا مش من اول مرة بتسمعها مرتين وتلاتة ومية تنك تلاقي اشي تحبو فيها
انو البسمة بتنزلش عن وجك حتى لو هموم الدنيا على قلبك
انك بتحب الحياة من قلب ورب وبتوخدها ب "ايزي" ورواقة
انو الماديات بتعنيلكاش اشي ، وقعدة بسيطة بتسوالك كل اشي
وانو بصعوبة تنك تحكي عن مشاكلك وتقولي اذا صاير معك اشي
انك بتضل تسأل عني مش عشان تتحشر فيي او بدك اشي، بش عشان بدك تطمن علي
انك بتشبهني بكتير شغلات واحسن مني بأكتر
بحب انك فطنت فيي، لما الكل اهملني
بحب انك بتعطيني احترامي وبتسمعني، بتسمعني..
بحب انو فاجئتني بعيد ميلادي، مش بسيارة ولا حتى ورد ، بس بتلفون مع ضحكة لما دقت السيعة 12 ..
بحب انو صرت احب اكتر من وقت معرفتك
بحب انو حبك مريح وما بضغط
بحب انو مأعرفش حاليا اذا بحبك كأخ ، صديق او اكتر
بحب انو تعرفت على واحد متلك بحياتي
بحب انو اقولك هل حكي واقولك مين انا، ومين انت
بس بحبِّش، بحبِّش اخسرك
بس بحبِّش، بحبِّش اخسرك
وبعرف انو مخصيش، بس بحب هاي الغناي كمان :)
وايماتكو تكون بحب اكترمن بحبِّش:)
إليوم لقيت المدونة واليوم (اسا) قريتها كلها
ردحذفتحيرت ع انو بوست أو عاني فقرة أعلق تعليق معين كان براسي من الشرح اللي عالمدونة وهالتعليق بس قويت صحتو من بوست للتاني:
مش منطقي..
مش منطقي قدي أفكارك بتشبه أفكاري مش منطقي !
مش منطقي قدي بتشبهيني أو أنا بشبهك مش خلفة!
يمكن أو على الارجح ميعجبكيش إنو وحدة غريبة تيجي تقلك هاد الحكي .. إنو ردة فعلي أنا متلاً عهيك اشي كان ممكن تكون اشي زي: "بوه.. مين انت ليش ؟"
يمكن مش عنجد منشبه بعض وبس شاءت الأقدار إنو كل بوستاتك أكون مفكري وكاتبة اشي شبيه جداً فيها .. ويمكن بس من العجقة اللحظية عم بحكي هيك.. أبصر
بس لما وصلت لهاد البوست متحملتش! زي كأنك عم تحكي عالشخص اللي ببالي مؤخراً
ولا هاي الفقرة :
"وبعمل "سليد تو انلوك" .. بفتح على اسمك بالرسائل.. وبصفن..
بتنهّد .. وطبعاُ زي كل يوم جديد: بخاف وبسكرو..
هل مرة بديش انا اعمل اشي واخرب.. خلي الحياة تتصرف كيف بدها، خلي هاي الماكنة تفرجيني قوتها. "
شو قاعدة معي ؟
هههه :) ولاااااااااي قدي خلتيني انبسط وأبتسم من كل قلبي.. :))
ردحذفكتير ابسطيني بحكيك وكتير بقدر انك كتبتي هل كومينت.. واذا بفيد تعرفي انك "you made my week " ^_^
والأشي اللي بفرح اكتر اني مش لحالي عم بمرق بهيك اشيا "خرا" وبتحير .. :)
بتأمل هل حياة تحن شوي علينا :)
ودايما بنبسط اسمع تعليقاتك ^_^ :))
صلي ساعة اتسائل مين انت واذا احاول اصلا اعرف.. بس حاليا بفضل اخليكي "غير معرف" وأضل اخذ راحتي بالكتابة :)
يسلمو كتير كمان مرة :) ونهارك سعيد :)